नगरको विकासमा कुनै कमी हुन्न दिन्न, बाधा अवरोध आए खम्बा जस्तै अडिग रहन्छु ः नगरप्रमुख यादब

९ फाल्गुन सिरहा
विनोद ठाकुर । सिरहाको मिर्चैया नगरपालिकाका मेयर श्रवण कुमार यादबले नगरको विकासमा आफु कहिल्यै पनि पछि नपर्ने बताउनुभएको छ । तरपनि विकासका काम गर्न खोज्दा विपक्षीहरुले बिभिन्न बहाना बनाई अनावश्यक अवरोध गर्न खोजेको बताएका छन । आज मंगलबार नगरपालिकाको १० औं नगर अधिवेशनमा एस्तो बताएका हुन ।
मिर्चैया नगरपालिकालाई देशकै नमुना नगरपालिका बनाउनमा आफु लागिपरेको ठाउँमा सबैको साथ र सहयोगको महशुस भएको बताउँदै उहाँले तरपनि केही राजनीतिक दल र त्यसका नेताहरुले विभिन्न बहाना बनाउदै अवरोध गर्ने काम गरिरहेको भन्नुभयो । यद्धपि त्यस्ता अवरोध गर्नेहरुलाई काम गरी कडा जवाफ दिने र अब आफुलाई कसैले रोकेर नरोकिने मेयर यादबले दाबी गर्नुभयो ।
‘म पहिलो कार्यकालमा यहाँका सबैको नश(नश नापिसकेँ, अब दोस्रो कार्यकालमा म यहाँको विकासका लागि निर्मम भएर अगाडी बढिसकेको छु,’ उनले भने, ‘यसमा सहयोग गर्न सबैलाई आह्वान गर्दछु, तर कसैले रोक्न खोजे म अब रोकिनेबाला छैन ।’

पहिलो कार्यकालमा विभिन्न अवरोधका बावजुद मिर्चैयाको चौतर्फी विकासका निम्ति आफूले थुप्रा कामहरु गरेको उनले उल्लेख गरे । जनताले दोस्रो कार्यकालका लागि पनि आफूलाई अनुमोदन गरेको र आफ्नो साथमा जनता भएको भन्दै अब आफूलाई कसैको अवरोधले फरक नपर्ने उनले बताए ।

मेयर यादवले शिक्षा, स्वास्थ्य, कृषि, भौतिक पूर्वाधार, युवा विकास, सामाजिक रुपान्तरण लगायतका क्षेत्रमा नगरपालिका मिसन बनाएर अघि बढेको जानकारी दिएका छन् । यस मिसनमा सघाइरहेका सबैलाई उनले धन्यवाद ज्ञापन गरे ।

कार्यक्रममा मधेश प्रदेशकी उद्योग, पर्यटन, वन तथा वातावरण मन्त्री सुनिता यादव, माओवादी नेता अजय शंकर नायक, प्रदेश सांसद त्रिभुवन साह, सिरहाका प्रमुख जिल्ला अधिकारी भोजराज खतिवडा लगायत सुरक्षा निकायहरू अधिकारीहरु, जनप्रतिनिधि, सामाजिक अगुवा तथा सर्वसाधारणको सहभागिता थियो ।