घरायसी विवादमा श्रीमानबाटै श्रमतिकोहत्या, श्रीमान रामा प्रहरीको फन्दामा

१० असोज, जनकपुरधाम । बाँस झाडीमा मृत फेला परेकी धनुषाको मिथिलाबिहारी नगरपालिका(५ ललियाकी ४५ वर्षीया जीवछी देवीको हत्या आफ्नै श्रीमानले गरेको खुलेको छ ।

हत्या आरोपमा प्रहरीले श्रीमान रामा मण्डललाई पक्राउ गरेको हो । अनुसन्धानको क्रममा श्रीमान् रामाले नै घरायसी विवादमा श्रीमती जीवछी देवीलाई कोदालोले हिर्काएर हत्या गरेको खुलेको जिल्ला प्रहरी कार्यालय धनुषाका प्रवक्ता डीएसपी प्रदीपबहादुर क्षेत्रीले बताए । प्रहरीले घटनामा प्रयोग भएको कोदालो पनि धानखेतबाट बरामद गरेको छ ।

रामा हाल जीवछीको किरियामा थिए । घटनाको ५ दिनपछि प्रहरीले रामालाई किरिया बसेकै अवस्थामा पक्राउ गरेको हो । उनले घरायसी विवादमा कोदालोको बीट प्रहार गरि हत्या गरेको स्वीकार गरेको र प्रहार गरेको कोदालो समेत उनको बयान अनुसार धानखेतबाट बरामद भएको डिएसपी क्षेत्रीले बताए ।

प्रहरीका अनुसार रामाका दुई छोरा छन् । २२ वर्षीय विनय मण्डल र कान्छो छोरा वर्ष २० क संजय मण्डल । कान्छो छोरा सञ्जय हाल वैदेशिक रोजगारीको सिलसिलामा कतारमा छन् । जेठो छोरा विनय घरमै छन् । पारिवारिक ऋणको विषयलाई लिएर श्रीमान र श्रीमतीबीच विवाद हुँदै आएको प्रहरीको भनाइ छ ।

घटनाको १०र११ दिन अगाडि मृतकको दुई छोराहरु एक(आपसमा छुट्टिएका थिए । जेठो छोरा एक्लै र कान्छो छोरासँग बुबा र आमा बस्दै आएका थिए ।

४ असोजको विहान ७ बजे जीवछी देवी खेतमा मल छर्न गएकी थिइन् । श्रीमान् रामा घरबाट कोदालो र हसिया लिई भकारी बनाउनको लागि बाँसको टाटी काट्न गएका थिए ।

खेतमै उनीहरुबीच बाँकी ऋण कसरी तिर्ने भन्ने विषयमा कुराकानी भएको प्रहरीको भनाइ छ । त्यसै क्रममा विवाद हुँदा जीवछी देवीले श्रीमान रामालाई अश्लील गाली गलौज गरेको र रामाले आवेशमा कोदालोले टाउकोमा हिर्काएको प्रारम्भिक अनुसन्धानबाट खुलेको प्रहरी अधिकारीहरुको भनाइ छ ।

हत्या पश्चात शंका नलागोस भनेर रामाले श्रीमतीले लगाएको चुरा आफैं फुटाएर घटनास्थलमा यत्रतत्र छरेको, कोदालो अर्काको खेतमा फालेर भागेको खुलेको प्रहरीको भनाइ छ । घटनाको अनुसन्धान गर्द‌ैजाँ दा हत्या गर्न प्रयोग भएको कोदालो घटनास्थलबाट करिब ८० मिटर उत्तर पश्चिमको कुनामा खेतमा फेला परेको छ । रामामाथि थप अनुसन्धान भइरहेको डीएसपी क्षेत्रीले बताए ।