समाजसेवी उद्धव खातीले तामाकोशी गाउँपालिकाको वडा नम्बर ५ सहरे स्वास्थ्य चौकीका लागि दुईवटा हस्पिटलबेड हस्तान्तरण

दिपक बस्नेत
माघ १६, तामाकोशी ।
नेकपा माओवादी केन्द्र तामाकोशी गाउँपालिकाका उपाध्यक्ष एवंम समाजसेवी उद्धव खातीले तामाकोशी गाउँपालिकाको वडा नम्बर ५ सहरे स्वास्थ्य चौकीका लागि दुई वटा हस्पिटलबेड हस्तान्तरण गर्नुभएको छ ।
तामाकोशी गाउँपालिका वडा नम्वर ५ सहरे स्वास्थ्य चौकिका इन्चार्ज युवराज के.सीलाई खाती आफैले हस्तान्तरण गर्नु भएको हो । हस्तान्तरण कार्यक्रममा कार्यवाहक अध्यक्ष अर्घलाल चौलाईले समाजसेवि खातीलाई धन्यवाद व्यक्त गर्नु भएको थियो । स्वास्थ्य चौकीका कर्मचारीका अनुसार औषधी राख्ने दराजको खाँचो रहेको जानकारी गराउँनु भएको थियो । खातीले यस अघिपनि स्वास्थ्य चौकीका लागि अक्सिजन ग्याँस सिलिण्डर हस्तान्तरण गरिसक्नु भएको छ । स्वास्थ्य क्षेत्र अत्यन्त सम्वेदनसिल क्षेत्र भएकाले आफुले केहि खर्च कटाएर समाग्री हस्तान्तरण गरेको बताउँनु भयो । आफ्नो ठाउँमा रहेका जनतालाई स्वास्थ्य उपचारमा थप सहयोग पुग्ने उहाँको भनाई छ ।

कार्यक्रममा नेकपा माओवदी केन्द्र तामाकोशी गाउँपालिकाका अध्यक्ष शम्भु फुयाँल लगाएत जिल्ला स्तरीय नेताको उपस्थिति रहेको थियो ।